الضيقه

من طرف **صقرالجنوب** السبت نوفمبر 07, 2009 3:49 pm

الضيقة الي دايما تالي عصير
وش حيلتي واردها لاتجيني
لاطال ظل العودحزت عش الطير
كنها على سجن الحديد تحديني
يضيق صدري كل ما جت واسير
ولا يخفف سوج رجلي حنيني
لا حولنا مشراف ولا اقدر اطير
يالله قسمة خير لا تبتليني
وعقارب الساعة توقف عن السير
و لكن في الدوحة سواتي حزيني
لا حولنا مشراف ولا اقدر اطير
يالله قسمة خير لا تبتليني
والعبرة الي تا صل الحلق وتحير
يا قربها لو قيل يا عويني
امل شوف الناس ورد ومصادير
والي يقول شفيك كنه يهجيني
يعني على ماقيل من باب تصوير
لحد ابي قربه ولحد يبيني
اروح ادور خط مابه دواوير
ودور الي هادها تهتديني
واخذ مع الهاجوس سجه وتفكير
وراجع الي فات بيني وبيني
واحسب ذنوبي ودور لتكفير
عساي ما قصرت في والديني
وعساي ماقارنت من ينفخ الكير
والي يحمل المسك جعله قريني
ويطري علي يوم الحشر وطلب مجير
معطى كتابي في شقيقة يميني
ويطري علي صدقان كثر الدنانير
الي تعاديني الى كثر ديني
وراعي الهروج الي سوات المناشير
اصد عنه وادري انه يعنيني
الله حسيبه يوم عرض القوارير
والله حسبي من صواب وجيني
والى طرالي واحد كانه اصغير
اما اصغر بيومين والى سنيني
دريت وش قومي وعينت تفسير
لضيقة الي من زمن تعتليني
حبه في صدري سالفت سر في بير
وكأن الفؤاد يقول هذا زبيني
اشفق على علم يجي منه من غير
لا يسمع الي سو لفوبه ونيني
ياكثرهم غيره ولكن خبر خير
ما غير شوفه في الوجود يهنيني
راي كذا يا عاشقين الغنادير
ماله على وجه البسيطة وزيني
العام اجيهم من حساب المسايير
واليوم حال عداي وينه ويني
خطاي تعليق الامل في المدابير
الين راح وشفت حقر بعيني
صبر جميل وخابر انها مقادير
والله على تخفيف حزني عويني
هي حالتي الين تغاب الشمس وصير
معطن صراحي عقب مانا سجيني
والى متلى جوف الشجر بالعصافير
طلبت من رب العباد يهديني
يعتقني المذن عقب ضيقة عصير
الي على سجن الفراق تحديني