بعض الناس لاتهتم

ولا تنسج لي أعذار
ولا أرسم لك أسباب
نقول نصيب
ونكتفي
و ياما
فرق هالنصيب أحباب



تبغاني أبتعد عنك
وأجفاك وأنساك
عطني مثل قلبك وأسوي سواتك
يا للي جاي تهدد
تحسب إنك قدي
ولا عرفت من أبوي وجدي
بعدك يابابا ماشفت
ولاعرفت التحدي
عهد علــي
لأخليك تكلم نفسك
وأنت ماتدري

ــــــــــــــــــــــــــــــــــــــــــــــــــ ـــــــــــ

أي محبه وأي عشرة وأي حنان؟؟
وأي شوق اللي إنت تتكلم عليه؟؟
يعني واثق إن باقي لك مكان؟؟
وإن قلبي يرد لو ترتجيه؟؟
قلبي اللي غلطته حبك وصان
لو يصافح قلبك كنت أقطع له إيديه
أي محبة بعد مافات الأوان؟؟
أي حنان اللي تبي تعوضني فيه؟؟
وين كنت يوم أنا إحتجتلك زمان؟؟
وين حبك يوم أنا ميت عليك؟؟
روح للي لأجله بعت الحب زمان
بس لاتنسى تسلملي عليه

ــــــــــــــــــــــــــــــــــــــــــــــــــ ــــ

أشكرك
قلبك كبير
مرهف أحساسك كثير
أشكرك من كل قلبي
بعتني والله بضمير

ــــــــــــــــــــــــــــــــــــــــــــــــــ ـــــ

أضحــــــك
مردك بيوم تواجه الدمعة
إما على جيتي،،
ولا على فراقي..

ــــــــــــــــــــــــــــــــــــــــــــــــــ ــــــ

آسف إذا لك قلت إنسى زماني
مهو بيدي قلبي اليوم ناسيك
حبك نسيته يوم قلبك جفاني
أبعد وأنا أبعد ولا لي بطاريك
شلون أحب إنسان طبعه أناني
لا مايصير تبيع فيني وأشريك
إتبع طريقك خلني في مكاني
يكفي جروح منك الله يخليك
ياما بكيتك لين دمعي نساني
ياما ترجتك ولا فايدة فيك
الحين جيت تقول إنسى عشاني
جابك زمانك خلك اليوم
(ما أبيــــــــك)..

ــــــــــــــــــــــــــــــــــــــــــــــــــ ـــ

كافي صدمات بحياتي
جاي تصدمني بعد
والله هالدنيا غريبة
وش بقى فيها بعد
مابقى غير الجراح
وقلبي اللي ماستراح
عادي متعود حبيبي
حظي ياما طاح
غلطتي الطيبة ذبحتني
شوفها ودتني وين
أتضايق حيل منك
وأضحك وقلبي حزين...

ــــــــــــــــــــــــــــــــــــــــــــــــــ ـــــــــــ

خلقت لي شموخ وهامة
ماطالها طويلين الأنفاس
وكونت لي عرش رفيع مقامة
مايوصله جن ولا يوصله ناس
ورفعت نفسي فوق هام الغمامة
أشوف زلات البشر وأرفع الراس
واليوم كلن خصني بإحترامه
واللي معاديني بالأقدام ينداس..

ــــــــــــــــــــــــــــــــــــــــــــــــــ ـــــــــــــ

أنا عمري بقايا شمع
أحرقني الأسى والدمع
إذا مافيك ترحمني
أحرق مابقى مني..

ــــــــــــــــــــــــــــــــــــــــــــــــــ ــــــــــ

علامك مهملني؟؟
وفي رفّـك أنا تذكار..
إذا كان الهدف بعدي..
أنا حاضر وممنونك...

ــــــــــــــــــــــــــــــــــــــــــــــــــ ــــــ

عرفت الناس والدنيا وطريقي
وعرفت إن الهوى كذب وأماني!
خذاني الشوق والحب الحقيقي
لذاك اللي عقب وده جفاني!
نساني للأسف في عز ضيقي
وأنا في غمرة جراحي أعاني!
لقيته في هوا غيري غريق
تنكر من هواي ومن حناني!!!

ــــــــــــــــــــــــــــــــــــــــــــــــــ ـــــــــ

تحسبني ميت عليك؟
صدقني تراك غلطان..
أحبك أنا قلتها صحيح!
بس ترا وش كثرها بها الزمان..
هي كلمة مثل غيرها عند الناس صارت دايم تنقال..
إي نعم مني سمعتها!
بس تراني ما أعتبرها إلا زلة
لســـــان!!!

ــــــــــــــــــــــــــــــــــــــــــــــــــ ـــــــــــــــــــــ

قبل إنتـفارق سطرت لك يميني آخر رسالة حب أودعك فيهااااا!!!!!
هذا قدرنا بالهوى صدقني الأيام ماتمشي على مانبيها
ودعتك الله وإن قسيييت أعذرني وعيوبي اللي تعرف
إسترها وان كان عذبتك معي سامحني وإنسى ذنوبي الأوله وإغفرهاااا....



تعب قلبي من الاصحاب....وحارت فيهم ابياتي
احد صادق واحد كذاب... واحد يفرح لزلاتي
واحد يجرح بلا اسباب.... واحد بلسم جراحاتي
ووحدك اجمل الاحباب... ووحدك صرت في ذاتي
ولك وحدك فؤادي ذاب....ولك وحدك تحياتي



ماعاد احد لأحد كلن فكرة موحد هالبشر غريبة أطوار همها تعزيز الوجد همها غرور ومظاهر صار الخير بينهم حسد وصار الشرحاضر